کۆبوونەوەی مۆعەلیمان لە بەرانبەر مەجلیس

کۆمەڵێک لە مۆعەلیمان ڕۆژی چوارشەممە ١٧ی مانگی خەرمانان، بە کۆبوونەوە لە بەرانبەر مەجلیسی ڕژیم، خوازیاری پێڕاگەیشتن بە خواستەکانیان بوون.

بە پێی ڕاپۆرتەکان، بەشداربووانی ئەو کۆبوونەوە خوازیاری بەڕێوەچوونی گەڵاڵەی ڕیزبەندی مۆعەلیمان بوون. جێی ئاماژەیە کە وەزارەتی ئامووزش و پەروەرش لە ساڵی ٩٤ی هەتاویەوە بڕیاری جێبەجی کردنی قۆناغی یەکەمی ئەو گەڵاڵەیەی دابوو، بەڵام دواتر دەوڵەت بە بیانووی نەبوونی بودجەی تایبەت، بەڕێوەچووۆنی ئەو گەڵاڵەیەی ڕاگرت کە ناڕەزایەتی کۆمەڵگەی فەرهەنگیانی لێکەوتەوە.