گواستنه‌وه‌ی دوو زیندانی سیاسی بۆ زیندانی مهاباد

391y
به‌ پێی راپۆرته‌كان، دوو زیندانی سیاسی به‌ ناوه‌كانی “كه‌ریم ئابراهام” له‌ زیندانی ورمێ و “مه‌سعود گه‌رمسیری” له‌ زیندانی نه‌غه‌ده‌، بۆ زیندانی مهاباد گواسترانه‌وه‌. به‌ پێی ئه‌م راپۆرته‌، كه‌ریم ئابراهام زیندانی سیاسی، له‌ سه‌ره‌تای مانگی گوڵانه‌وه‌ به‌ تۆمه‌تی هاوكاری كردن له‌گه‌ڵ حێزبێكی نه‌یاری رژیم ده‌ستبه‌سه‌ركرا و به‌ تێپه‌ڕكردنی مانگێك له‌ زیندانی ورمێ بۆ زیندانی مهاباد گواسترایه‌وه‌. مه‌سعوودیش رۆژی ٢٤ی مانگی خاكه‌لێوه‌ به‌ تۆمه‌تی هاوشێوه‌ له‌ زیندانی نه‌غه‌ده‌ راگیرا و چه‌ند رۆژ پێش، ئه‌ویش بۆ زیندانی مهاباد گواسترایه‌وه‌. ئه‌مه‌ش له‌ حاڵێكدایه‌ كه‌ “كه‌ریم و مه‌سعوود” به‌ بێ ده‌ركردنی حوكمی قه‌زایی و به‌ شێوه‌یه‌كی كاتی گواستراونه‌ته‌وه‌ بۆ زیندانی مهاباد. به‌ پێی راپۆرتی هه‌ڵسووڕاوانی مافی مرۆڤ له‌ ئێران، زیندانی مهاباد زیندانێكه‌ كه‌ بچوكه‌ و نزیكه‌ی ٧٥٠ زیندانی كه‌ زیاتر له‌ ٣٠ زیندانی سیاسیش، به‌ پێی جیاكردنه‌وه‌ی تاوانه‌كان، له‌گه‌ڵ باقی زیندانه‌كان له‌و زیندانه‌دا راده‌گیردرێن.