گواستنه‌وه‌ی عه‌لی حوسێن په‌ناهی بۆ زیندان

473
به‌ پێی راپۆرته‌كان، “عه‌لی حوسێن په‌ناهی” موعه‌لیمی ئێخراجی خه‌ڵكی ئاوایی “قوروچای” سه‌ر به‌ شاری دێهگولان له‌ لایه‌ن هێزه‌كانی رژیمه‌وه‌ ره‌وانه‌ی زیندانی ناوه‌ندی شاری سنه‌ كرا.
به‌ پێی ئه‌م راپۆرته‌، ناوبراو رۆژی دووشه‌ممه‌ ٩ی مانگی خه‌رمانان له‌ لایه‌ن هێزه‌كانی رژیمه‌وه‌ به‌ تۆمه‌تی قسه‌ و باس له‌ مزگه‌وتی ئاوایی “قروچیا”، ده‌ستبه‌سه‌ر كرا و رۆژی یه‌كشه‌ممه‌ ١٥ی مانگی خه‌رمانان، به‌ قه‌راری وه‌سیقه‌ی ٥٠ میلیۆن تمه‌نی به‌ شێوه‌ی كاتی له‌ زیندان ئازاد و هه‌ر له‌م رۆژدا له‌ سه‌ركاریش ئێخراج كرا. جێگای ئاماژه‌یه‌ ناوبراو رۆژی پێنجشه‌ممه‌ سه‌رله‌نوێ له‌ لایه‌ن مه‌ئموورانی وه‌زاره‌تی ئیتلاعاته‌وه‌ بازداشت و رۆژی چوارشه‌ممه‌ ٢٥ی مانگی خه‌رمانان، ره‌وانه‌ی زیندانی ناوه‌ندی شاری سنه‌ كرا.