گواستنه‌وه‌ی لانیكه‌م ده زیندانی مه‌حكوم به‌ ئێعدام بۆ ژووری تاكه‌كه‌سی

20q
هاوكات له‌گه‌ڵ رۆژی جیهانی خه‌بات له‌دژی سزای ئێعدام، لانیكه‌م ١٠ زیندانی مه‌حكوم به‌ ئێعدام بۆ به‌كرده‌وه‌ ده‌رهێنانی حوكم، راپێچی ژووری تاكه‌كه‌سی زیندانی ناوه‌ندی كه‌ره‌ج كران.
رۆژی شه‌ممه‌ ١٨ی مانگی ره‌زبه‌ر، لانیكه‌م ١٠ زیندانی بۆ ژووری تاكه‌كه‌سی گواسترانه‌وه‌ و بڕیاره‌ له‌ ماوه‌ی رۆژانی داهاتوودا حوكمه‌كانیان به‌كرده‌وه‌ ده‌ربێت. شایانی باسه‌ هه‌ر له‌م رۆژه‌دا ده‌زگای قه‌زایی رژیم لانیكه‌م چوار زیندانی دیكه‌ی له‌ زیندانه‌كانی ره‌شت و به‌نده‌رعه‌باس له‌سێداره‌ دا. رێكخراوی مافی مرۆڤی ئێران له‌ راپۆرتێكدا، به‌كرده‌وه‌ ده‌رهێنانی حوكمی ئێعدام له‌ ماوه‌ی ئه‌مساڵی زایینی له‌م ٢٥ ساڵه‌ی دوایی به‌ “بێ وێنه‌” ناولێبردووه‌.