گواستنه‌وه‌ی مۆحه‌ممه‌د ئه‌مین ئاگووشی بۆ زیندانی ته‌ورێز

614q
به‌پێی راپۆرتی هه‌واڵنێریی هێرانا، مۆحه‌ممه‌د ئه‌مین ئاگووشی به‌ندكراوی سیاسیی و دانیشتوی شاری پیرانشار، بۆ ته‌حمۆل كردنی پاشماوه‌ی حوکمەکەی، خۆی به‌ زیندانی ته‌ورێز ناساندو هه‌ر ئێستا له‌ به‌ندی زیندانییانی نیزامیی ئه‌م زیندانه‌دا راگیراوه‌.
جێگه‌ی وه‌بیرهێنانه‌وه‌یه‌، مۆحه‌ممه‌د ئه‌مین ئاگووشی له‌ رێكه‌وتی ١ی مانگی ره‌زبه‌ری ساڵی ١٣٨٦وه،‌‌ به‌ تۆمه‌تی سیخۆڕیی له‌ به‌رژه‌وه‌ندی حكوومه‌تی هه‌رێمی كوردستان له‌ لایه‌ن هێزه‌ ئه‌منییه‌تیه‌كانه‌وه‌ ده‌ستبه‌سه‌ر و ماوه‌ی ٧ مانگ و ٢٠ رۆژ له‌ سلولی ئینفرادیی “قه‌رارگای ره‌مه‌زان” و وزاره‌ت ئیتلاعاتی شاری ورمێدا راگیرا و پاش ته‌حه‌مۆل كردنی ٨ مانگ به‌ دانانی وه‌سیقه‌ ئازادكرا. پاشان له‌ مانگی گوڵانی ساڵی ١٣٨٦ به‌ تۆمه‌تی مۆحاره‌به‌ ده‌ستبه‌سه‌ر و حوكمی ئێعدام له‌ رێگه‌ی تیربارانی به‌سه‌ردا سه‌پا. له‌ ساڵی ١٣٨٩ به‌ دوای ئێعتراز به‌ حوكمه‌كه‌ی و له‌ دادگای پێداچوونه‌وه‌دا، حۆكمه‌كه‌ی بۆ ١٠ساڵ زیندان گۆڕدرا. مۆحه‌ممه‌د ئه‌مین ئاگووشی له‌ مانگی گه‌لاوێژی ساڵی ١٣٩١ راپێچی‌ زیندانی زاهیدان كرا و دوای یه‌كسال بۆ ماوه‌یه‌كی كورت مۆره‌خه‌سی پێدرا. شایانی باسه‌ ناوبراو دوای ته‌حه‌مۆل كردنی ٧ ساڵ و ٨ مانگ زیندان له‌ زیندانه‌كانی كۆماری ئیسلامیدا، بۆ ته‌حه‌مۆل كردنی پاشماوه‌ی زیندانییه‌كه‌ی، خۆی به‌ زیندانی ته‌ورێز ناساندووه‌