گواستنه‌وه‌ی هه‌شت زیندانی مه‌حكوم به‌ ئێعدام بۆ ژووری تاكه‌كه‌سی

784
به‌ پێی راپۆرته‌كان، لانیكه‌م هه‌شت زیندانی مه‌حكوم به‌ ئێعدام له‌ زیندانی ره‌جایی شاری كه‌ره‌جه‌وه‌ بۆ‌ ژووری تاكه‌كه‌سی گواسترانه‌وه‌ و چاوه‌روانی به‌كرده‌وه‌ ده‌رهێنانی حوكمی ئێعدامن.
به‌ ئیدیعای كاربه‌ده‌ستانی قه‌زایی رژیم هه‌شت زیندانی كه‌ ناوی پێنج كه‌سیان بریتین له‌ “مورته‌زا ئه‌حمه‌د به‌یگیها، محه‌ممه‌د مه‌رزبان، مێهدی كاهه‌، داوود عه‌لم به‌یگی و محه‌ممه‌د مه‌حموودی” كه‌ به‌ تۆمه‌تی “قه‌تڵ” به‌ ئێعدام مه‌حكوم كراون، له‌ رۆژی یه‌كشه‌ممه‌وه‌ بۆ به‌كرده‌وه‌ ده‌رهێنانی حوكمی ئێعدام ره‌وانه‌ی ژووری تاكه‌كه‌سی زیندانی ره‌جایی شه‌هر كراون. هه‌روه‌ها به‌ پێی هه‌واڵی گه‌یشتوو، سه‌رله‌به‌یانی رۆژی چوارشه‌ممه‌ ٢٥ی مانگی خه‌رمانان، حوكمی ئێعدامی زیندانییه‌ك به‌ ناوی “ره‌ئوف حه‌سه‌نی” كه‌ به‌ تۆمه‌تی قه‌تڵ به‌ ئێعدام مه‌حكوم كرابوو، له‌ زیندانی ناوه‌ندی شاری سنه‌ به‌كرده‌وه‌ ده‌رهات.