گواستنه‌وه‌ی ٣٣ زیندانی بۆ به‌كرده‌وه‌ ده‌رهێنانی حوكمی ئێعدام

575y
به‌ پێی راپۆرتی “كومیته‌ی نێونه‌ته‌وه‌یی له‌دژی ئێعدام”، رۆژی شه‌ممه‌ ١٦ی مانگی جوزه‌ردان ٣٣ زیندانی له‌ سێ زیندانی “قزڵحه‌سار، ندامه‌تگای ناوه‌ندی كه‌ره‌ج و عادڵ ئابادی شیراز”، بۆ به‌كرده‌وه‌ ده‌رهاتنی حوكمی ئێعدام راپێچی ژووری تاكه‌كه‌سی كران.به‌ پێی ئه‌م راپۆرته‌، سه‌رله‌به‌یانی رۆژی شه‌ممه‌ گاردی زیندانی قزڵحه‌ساری كه‌ره‌ج به‌ هێرشی وه‌حشیانه‌ بۆسه‌ر زیندانیان، ٢٢ كه‌سیانی بۆ ژووری تاكه‌كه‌سی گواسته‌وه‌. هاوكات له‌ ندامه‌تگای ناوه‌ندی كه‌ره‌ج، ٥ زیندانی بۆ به‌كرده‌وه‌ ده‌رهێنانی حوكمی ئێعدام بۆ ژووری تاكه‌كه‌سی گواسترانه‌وه‌. هه‌روه‌ها هه‌ر له‌م رۆژه‌دا له‌ زیندانی عادڵ ئابادی شیراز، ٦ زیندانی دیكه‌ بۆ ئیجرای حوكمی ئێعدام گواسترانه‌وه‌. رێكخراوی مافی مرۆڤی ئێران، وێڕای مه‌حكووم كردنی ره‌وتی بێوچانی ئێعدامه‌كان، داوای له‌ ناوه‌نده‌ نێونه‌ته‌وه‌ییه‌كان و وڵاتانی جیهان كردووه‌ تا له‌ به‌رامبه‌ر ئه‌م جه‌نایه‌ته‌ سیستماتیكه‌ بێده‌نگ نه‌بن و به‌ گوشار خستنه‌ سه‌ر به‌رپرسانی رژیمی كۆماری ئیسلامی، سزای جه‌نایه‌تكارانه‌ی ئێعدام به‌ تایبه‌ت بۆ تاوانه‌كانی پێوه‌ندیدار به‌ مه‌وادی موخه‌در به‌ شێوه‌ی هه‌ڵپه‌سێردراو ده‌ربێنێت.