گوزارشی بەڕێوەچوونی پلینۆمی شەشەمی کومیتەی ناوەندی حیزبی کومونیستی ئێران (بەشی چوارەم و کۆتایی)

پلینۆمی شەشەمی کومیتەی ناوەندی حیزبی کومونیستی ئێران، لە رۆژەکانی شەممە و یەکشەممە ٧ و٨ی مانگی خه‌رمانانی ١٣٩٤ بەرابەر لەگەڵ ٢٩ و ٣٠ی ئوتی ٢٠١٥ بە ئامادەبوونی هاوڕێیانی کومیتەی ناوەندی حێزب و هاوڕێیانی کومیتەی ناوەندی کۆمەڵە کە وەک چاودێر بانگهێشتی ئەم کۆبونەوەیە کرابوون، بەڕێوەچوو. لەم پلینۆمەدا دوای هەڵسەنگاندنی ڕاپۆرتی سیاسی و تەشکیلاتی کومیتەی ئیجرایی و بەرپرسانی ئۆرگانە حیزبیەکان بە پلینۆم، پێڕاگەیشتن بە قەرارە پێشنیار کراوەکان و ئاڕایش و تەقسیم کاری کومیتەی ناوەندی خرایە دەستوری کارەوە530تەوافوقاتی ویەن و سازش لەگەڵ ئامریکا لەوێوە کە وەک پاشەکشەیەکی ستراتیژیک بۆ رژیمی کۆماری ئیسلامی بە حێساب دێت لەسەر مەوقعیەتی رژیم لە ئاستی ناوچەکەدا کاریگەری دەبێت. دوای تەوافوقی هەستەیی رژیمی ئیسلامی ناچار دەبێت کە دەست لە سەرکێشی لە بەرانبەر ئامریکادا هەڵگرێت و لە کانونەکانی قەیرانی ناوچەییدا سیاسەتەکانی لەگەڵ ستراتیژی ئامریکا هاوئاهەنگ بکات. ئامریکا کە ناتوانێ تەنیا بە وەعدەی زەمانەتی وەدواخستنی بەرنامە ئەتۆمیەکانی کۆماری ئیسلامی هاوپەیمانەکانی لە ناوچەکەدا بە قەناعەت بگەیەنێ کە تەوافوقی ئەم دواییە بە زیانی ئەمنیەتی ئەوان لە ناوچەکەدا ناشکێتەوە، هێندێک گوشاری کۆنترۆڵ کراو بۆسەر کۆماری ئیسلامی درێژە پێئەدات. ئامریکا دەخاڵەتی رژیمی کۆماری ئیسلامی وەک هێزێکی ناوچەیی لە ناوەندی قەیرانی خاوەرمیانەدا بەڕەسمی دەناسێت، بەڵام نایەوێ کە ئەم ده‌خاڵەتانە بەزیانی بەرژەوەندیەکانی ئامریکا و هاوپەیمانەکانی لە ناوچەکەدا تەواو بێت.ئەویکە روون و ئاشکرایە لە دەورەی دوای تەوافوقاتی هەستەییدا گرتنە پێشی سیاسەتی کەم کردنەوەی کێشەکان و دیپلۆماسی هەڵکردن لەگەڵ ئامریکا و هاوپەیمانەکانی لە ناوچەکە و دنیادا لەگەڵ سیاسەتی درگای کراوەی ئابووری و هاوتەریب لەگەڵیدا توند کردنەوەی فەزای سەرکوت و ئیختیناقی سیاسی و زیاتر بوونی هەژاری و فەلاکەت لە نێوخۆدا بۆ رژیمێک کە گیرۆدەی شەڕی چەند لایەنەی باڵەکانیەتی کارێکی ئاسان نابێت و مەوقعیەتی رژیم لاواز دەکات. رێبەران و پێشڕەوانی بزوتنەوەی کرێکاری و باقی بزوتنەوە کۆمەڵایەتیەکان پێویستە ئاگادار بن کە لەسەر ناوەرۆکی کام بارودۆخ ئەمری خەباتی خۆیان دەبەنە پێشەوە. لەم بارودۆخەدا پەرەسەندنی ناڕەزایەتی کرێکاران، موعەلیمان، ژنان و باقی توێژە بێبەشەکانی کۆمەڵگە و بەیەکەوە گرێدانی ئەم خەبات و تێکۆشانانە تەنیا ئەهرومێکە کە دەتوانێ هێزی سەرکوتی ڕژیم زەمینگیر بکات و یارمەتی کرانەوەی فەزای سیاسی کۆمەڵگا بدات، بەرەی چەپ بەهێز بکات و هاوسەنگی هێزێکی گونجاوتر بۆ داسەپاندنی ویست و داواکاری کرێکاران و خەڵکی زەحمەتکێش بەسەر ڕژیمدا فەراهەم بکات. چەپ لە ئێران هێزێکی کۆمەڵایەتیە کە خۆی لە نەخشی ڕێبەران و هەڵسوڕاوانی رادیکاڵی بزوتنەوەی کرێکاری لە هەڵخراندن و هیدایەت کردنی خەباتی کرێکاری، خەباتی مافخوازانەی موعەلیمان، بزوتنەوەی ژنان و بزوتنەوەی خوێندکاریدا بە داواکاری دیمکڕاتیک و پێشڕەوەوە کە دەیهێننە گۆڕێ، لە هەوڵ و تێكۆشانی هه‌ڵسووڕاوانی خەبات بۆ دەستەبەر کردنی مافی منداڵان، لە شەپۆلی هەڵگەڕانەوە لە مەزهەب و ژێر پێ نانی قانونە مەزهەبیەکان لە ژیانی رۆژانەدا، لە هەیئەتی دەیان تەشەکول و ناوەندی سەربەخۆ لەدەوڵەت کە هەڵسوڕاوانی بزوتنەوەی کرێکاری و ئینسانە تێکۆسەر و ئازادی خوازەکان تێیاندا کۆبونەتەوە، خۆی نیشان ئەدات. ئەم هێزە بەهۆی نەخشێک کە لە خەباتی رۆژانەی بۆ دەستەبەر کردنی داواکاریەکانی کرێکاران، موعەلیمان، ژنان و توێژی بێبەشی کۆمەڵگەدا هەیەتی بە شێوەیەکی عەینی لە جەمسەری چەپی کۆمەڵگەدا قەراری گرتوە. بەڵام ئەم هێزە کۆمەڵایەتیە چەپە بە نیسبەت هێزێک کە لە کۆمەڵگادا هەیەتی و بە نیسبەتی نەخشێک کە لە خەبات بۆ دەستەبەر کردنی مافە ڕەواکانی توێژی بێبەشی کۆمەڵگە هەیەتی، لە گۆڕەپانی سیاسی ئێراندا نوێنەرایەتی ناکرێتلە ئاوا بارودۆخێکدا هاوکاری هێزەکانی بزوتنەوەی کومونیستی ئێران لەدەوری مەنشورێکی متالباتی زەمینەیەکی گونجاوی ڕەوانی و سیاسی بۆ هاوکاری و ئیتیحادی عەمەلی بەرینی هەڵسوڕاوانی گرایشاتی جۆراوجۆری چەپ لە نێوخۆی کۆمەڵگەدا فەراهەم دەکات. مانا کردنەوەی چەمکی روخاندنی شۆڕشگێڕانەی کۆماری ئیسلامی بە ئامانجی بەدەستەوە گرتنی دەسەڵات لە لایەن کرێکارانەوە و نووسین و ڕاگەیاندنی روونی ئاوا داواکاریەک کە ڕیشەی لە ڕاستیەکانی نێو کۆمەڵگادایە، ئەو لانیکەمانەن کە هێزەکانی دەروونی بزوتنەوەی کومونیستی ئێران دەتوانن لەدەوریان بە هاوبەشی نەزەرات و بۆچون بگەن. ئاوا مەنشورێکی متالباتی لە بارودۆخی ئێستادا دەتوانێ ببێتە پەرچەمی خەباتی کرێکاران، ژنان و توێژە زۆرلێکراوەکانی کۆمەڵگا لە خەبات لەدژی کۆماری ئیسلامی. دەستەبەر کردنی وەها مەنشورێکی متالباتی واحد کە ببێتە بنەمای هاوکاری و فەعالیەتی هاوبەشی هێزەکانی بزوتنەوەی کومونیستی و کاردانەوەی خێرا و لە کاتی خۆیدا لە بەرانبەر ئەو رووداوە سیاسی و کۆمەڵایەتیانەی کە هەرکامە و بە جۆرێک پەیوەستن بە ژیان و خەباتی کرێکاران و توێژی چەوساوەی کۆمەڵگاوە، ئەو میکانیزمە سیاسیانەن کە یارمەتی شکڵدان بە جەمسەرێکی سیاسی بەهێزی چەپ لە کۆمەڵگەدا ئەدەن، لە بارودۆخێکدا کە پڕژوبڵاوی بزوتنەوەی کومونیستی ئێران بە هۆکاری واقعی و بە دەلیلی بوونی چ باید که‌ردێکی جیاوازی سیاسی، بۆتە ئەمرێکی چاپۆشی لێنەکراو، شکڵدان بە جەمسەرێکی چەپ لەدەوری ئەو بابەتانەی ئاماژەیان پێکرا دەکرێ، چەپی کۆمەڵایەتی بەهێزی نێو کۆمەڵگا بە نیسبەت هێزێک کە هەیەتی، لە گۆڕەپانی سیاسیدا نوێنەرایەتی بکات و سرنجەکان بۆلای خۆی ڕابکێشێ.
ڕاپۆرتی كاركردی ئۆرگانە جۆراوجۆرە حێزبیەکان لە لایەن بەرپرسانی ئەم ئۆرگانانەوە بەشێکی تری ڕاپۆرتی ئیرایەدراو بە پلینۆمی کومیتەی ناوەندی بوو. هاوڕێیانی کومیته‌ی ناوەندی، دوای بیستنی گوزارشی تەشکیلاتی ئۆرگانەکان و بەشە جۆراوجۆرەکانی تەشکیلاتی حیزب، بە ئامانجی باشتر کردنی فەعالیەت لە مەیدانە جۆراو جۆرەکاندا، چەند سرنجێکی ڕەخنەگرانە و پێشنیهادەکانی خۆیان مەتڕەح کرد.پلینۆم لە بەشی کۆتایی کاری خۆیدا و لە قسەوباسی پێوەندیدار بە ئاڕایش و تەقسیم کاری کومیەتی ناوەندی، وێڕای ئیجادی هێندێک ئاڵوگۆڕی پێویست لە پێکهاتەی هێندێک لە ئۆرگانەکانی تەشکیلات، بە ئامانجی هیدایەت كردنی چالاکیە سیاسی و تەشکیلاتیەکانی حێزب لە مەودای نێوان دوو پلینۆمدا، کومیتەیەکی ئیجرایی پێكهاتوو لە پێنج کەس لە ئەندامانی کومیەتی ناوەندی حیزب، هاوڕێیان: هەڵمەت ئەحمەدیان، ڕەئوف پەرستار، حەسەن شەمسی، ئیبراهیم عەلیزادە و سەلاح مازوجی هەڵبژارد.