گوشاری سپای پاسداران بۆسەر خەڵكی ئاواییەكانی ناوچەی شاهۆ

557t
هێزەكانی سپای پاسدارانی رژیم، كه‌ش و هه‌وای ئاواییەكانی دەوروبەری كێوی “شاهۆ”یان به‌ توندی ئه‌منیه‌تی كردووه‌ و گوشارێكی زۆریان خستووەتە سەر خەڵكی ناوچەكە.
لە ماوەی یەك هەفتەی رابردوودا هێزە ئه‌منیه‌تیه‌كانی سەر بە سپای پاسدارانی رژیم جێگیر لە ناوچەی شاهۆ، بە بیانووی بەرەنگار بوونەوە لەگەڵ حیزبە سیاسیەكانی رژیم، گوشاریان خستووەتە سەر خەڵكی ئاواییەكانی دەوروبەری كێوی شاهۆ. لە ماوەی دوو ساڵی رابردوودا، سپای پاسداران، بە ئاگر تێبەردانی دارستان و لێرەوارەكانی شاهۆ، پێش بە هاتوچۆی هاوڵاتییان بۆ هەندێ لە ناوچەكانیش دەگرن. خەڵكی ئاواییەكانی ئەو ناوچەیەش ناچارن بۆ هاتوچۆ كردن و لەوەڕاندنی ئاژەڵان و كوهنه‌وه‌ردی كردن، بەڵگەی رەسمی وەربگرن. سپای پاسداران هەروەها ئەو كەسانەی كە بۆ ئاژەڵداری و هەنگداری روو لە كێوی شاهۆ دەكەن، هەڕەشەیان لێدەكەن و پێیان دەڵێن: “لە ئەگەری بەركەوتنی گوللە، بەرپرساریەتی گیانیان ناگرنە ئەستۆ.” هەروەها هێزەكانی سپا بە خەڵكی ناوچەكەیان راگەیاندووە كە ئەگەر هاوكارییان بكەن و دژی حیزبه‌ نه‌یاره‌كان رژیم كار بكەن، بەڵگەی هاتوچۆ كردنیان بۆده‌رده‌كه‌ن.