گیان له‌ده‌ستدانی خوێندكارێكی دوكتورای دانیشگای ته‌ورێز

622t
به‌ پێی هه‌واڵی گه‌یشتوو، رۆژی پێنجشه‌ممه‌ ٦ی مانگی خاكه‌لێوه، خوێندكارێكی دوكتورای دانیشگای ته‌ورێز به‌ هۆی گیرۆده‌ بوون به‌ نه‌خۆشی سه‌ره‌تان له‌ نه‌خۆشخانه‌ی ته‌وحید له‌ شاری سنه‌ ماڵئاوایی له‌ ژیان كرد.”دانش ئه‌حمه‌دی” ته‌مه‌ن ٢٧ ساڵ یه‌كێك له‌ خوێندكارانی هه‌ڵسووڕاو و چه‌پ و كۆمۆنیست له‌ دانیشگای ته‌ورێز بوو كه‌ ژیانێكی خه‌باتكارانه‌ی له‌ بواری ره‌وشنگه‌ری و خه‌باتی خوێندكاری و له‌دژی موناسباتی چه‌وسێنه‌رانه‌ هه‌بوو. ناوبراو یه‌كێك له‌و‌ خوێندكارانه‌ بوو كه‌ هیچكات به‌رانبه‌ر به‌ كه‌ش و هه‌وای سه‌ركوت و دواكه‌وتووانه له‌ زانكۆی ته‌ورێز‌ بێده‌نگ نه‌بوو. ته‌رمی ئه‌م خۆێندكاره‌ رۆژی پێنجشه‌ممه‌ له‌ نێو خه‌م و په‌ژاره‌ی ژماره‌یه‌كی زۆر له‌ خه‌ڵكی شاری سنه‌ له‌ گۆڕستانی به‌هشت محه‌ممه‌دی ئه‌سپه‌رده‌ی خاك كرا.