گیان له‌ده‌ستدانی سه‌دان منداڵی یه‌مه‌نی له‌ جه‌ریانی هێرشی عه‌ره‌بستان

587
سندوقی منداڵانی رێكخراوی نه‌ته‌وه‌یه‌كگرتووه‌كان، هه‌واڵی گیان له‌ده‌ستدانی لانیكه‌م ٤٦٦ منداڵی له‌ جه‌ریانی هێرشی نیزامی عه‌ره‌بستانی سعودی بۆسه‌ر یه‌مه‌ن راگه‌یاندووه‌.
جێگری نوێنه‌ری یونیسێف له‌ یه‌مه‌ن رایگه‌یاند: “له‌ كاتی ده‌ستپێكی هێرشی عه‌ره‌بستان بۆسه‌ر یه‌مه‌ن له‌ مانگی مارسی ئه‌مساڵی زایینیه‌وه‌ تا ئێستا، لانیكه‌م ٤٦٦ منداڵ كوژراون و ٦٥٨ منداڵیش بریندار بوون.” ناوبراو له‌ وته‌كانی ئه‌م دواییانه‌ی خۆیدا، بۆمبارانی مه‌خازنی ئاو، ژێربه‌ناكان و هێرش بۆسه‌ر غه‌یره‌ نیزامیان به‌ تایبه‌ت منداڵانی به‌ پێشێل كردنی ئاشكرا و به‌رچاوی مافی مرۆڤ و مافی منداڵان ناولێبرد و له‌سه‌ر راگرتنی ئه‌م هێرشانه‌ پێداگری كرد.” شایانی باسه‌ ئه‌م رێكخراوه‌یه‌ له‌ راپۆرتێكی دیكه‌دا جه‌خت ده‌كاته‌وه‌: “عه‌ره‌بستان ٣٩ نه‌خۆشخانه‌ی له‌ یه‌مه‌ن بۆمباران كردووه‌.” له‌ لایه‌كی دیكه‌وه‌ راپۆرته‌كان باس له‌وه‌ ده‌كه‌ن كه‌ به‌ هۆی هێرشه‌كانی ئه‌م دواییانه‌ له‌ شاره‌ باستانییه‌كانی یه‌مه‌ن له‌وانه‌ “سه‌نعا، زۆبه‌ید و براقش”، چوار هه‌زار ئاسه‌واری مێژوویی له‌ناوچوون.