گیان له‌ ده‌ست و بریندار بوونی لانیكه‌م ١٩ كه‌س به‌ هۆی ڕووداوی هاتووچۆ له‌ ڕێگای مه‌ریوان

ڕۆژی پێنج شه‌ممه‌ ١١ی مانگی خه‌رمانان، یه‌ك ده‌زگا مینی بووس كه‌ سه‌رنشینه‌كانی خه‌ڵكی گوندی “پیرسه‌فا”ی سه‌ر به‌ شاری مه‌ریوان بوون، له‌ ده‌ورووبه‌ری گوندی “پاڵه‌نگان” تووشی ڕووداوی هاتووچۆ بوون و به‌ هۆیه‌وه‌ لانیكه‌م ٢٠ كه‌س بوونه‌ قوربانی.
به‌ وته‌ی به‌رپرسانی ده‌رمانی زانكۆی علووم پزیشكی كوردستان، تا ئێستا ١٤ كه‌س گیانیان له‌ ده‌ست داوه‌ و لانیكه‌م ٨ كه‌سی دیكه‌ به‌سه‌ختی بریندار بوون كه‌ باروودۆخی یه‌كێكیان ناجێگیره‌ و گوازراوه‌ته‌وه‌ بۆ نه‌خۆشخانه‌ی “كه‌وسه‌ر”ی شاری سنه‌. به‌ وته‌ی به‌رپرسانی ده‌وڵه‌تی له‌ پارێزگای سنه‌، به‌ هۆی به‌ربوونه‌وه‌ی ئه‌و مینی بووسه‌ بۆ ناو دۆڵێكی ئه‌و ناوچه‌یه‌، ئه‌گه‌ری ئه‌وه‌ هه‌یه‌ كه‌ به‌شێك له‌ گیان له‌ده‌ست دراوانی ڕووداوه‌كه‌، له‌ ئاوی ڕووباره‌ی ئه‌و دۆڵه‌ بێ سه‌رووشوێن مابن.