ماه: فوریه 2021

سەرلە ئێوارەی ڕۆژی شەممە ٩ی ڕەشەممە، چەند چەکدارێکی نەناسراو، دەسڕێژیان لە ژمارەیەک چەکداری هێزی ئینتزامیی پردی “گامێشانی” دەڕەشاری ئیلام  کرد و لە ئاکامی ئەم هێرشەدا ئەندامێکی هێزی ئینتیزامی کوژراوە و یەکێکی دیکەشیان بریندار بووە. بە وتەی سەرچاوەیەکی ئاگادار، لەم هێرشەدا ئەندامێکی هێزی ئینتزامی بە ناوی “مێهدی دەریکوەند” کوژراوە و ئەفسەرێکیش بە ناوی سەروان “سەید ڕوحوڵڵا باسەرە” بە سەختی بریندار بووە و دۆخی تەندروستییەکەی ناجێگیرە.پۆلیسی پارێزگای ئیلام هەواڵەکەی پشتڕاست کردووەتەوە. هێرشبەران کە نەناسراون لە پاش هێرشەکە توانیویانە شوێنەکە بەجێ بێڵن.

زیاتر

له‌ ماوه‌ی رۆژانی رابردوودا، دوو هاووڵاتی بە ناوه‌كانی “کەماڵ قۆیتاسی“، خەڵکی گوندی “چەشمەگۆل” سەر بە شنۆ، هەروەها هاووڵاتییەکی دیکە بە ناوی “ڕەحمان یووسفی“، خەڵکی گوندی “سەوجە“،  پاش کۆتایی لێپرسینەوە لە یەکێک لە گرتووخانه‌ ئەمنییەکانی ورمێ، بۆ زیندانی شنۆ ڕاگوێزران. به‌ پێی راپۆرته‌كان، ئەو دوو هاووڵاتییە، ڕۆژی دووشەممە ۲٤ی سەرماوەز، بەبێ بەڵگەی یاسایی لەلایەن هێزە ئەمنییەکانەوە دەسبەسەر و دواتر بۆ لێپرسینەوە ڕەوانەی یەکێک لە زیندانه‌ ئەمنییەکان لە ورمێ کرابوون. شایانی باسه‌، هێزە ئەمنییه‌کان ئەو دوو هاووڵاتییەیان بە تۆمه‌تی “هاوکاری لەگەڵ یەکێک لە حیزبە نه‌یاره‌كانی ڕژیم“، تۆمەتبار کردووه.

زیاتر

بەپێی راپۆرته‌كان، لە چەند رۆژی ڕابردوودا سێ هاوڵاتی خەڵکی پیرانشار بە ناوەکانی “تەنها ئاتەش ئەفراز“، “رەحمان دەریازی” و “پشتیوان نەبی زەرگەتەن” دوایی کۆتایی ھاتنی لێپرسینەوە بەدانانی بارمتە لە یەکێک لە ناوەندە ئەمنیەکانی شاری ورمێ و بە شێوەی کاتی ئازاد کراون. جێی ئاماژه‌یه‌، “تەها ئاتەش ئەفزار” لە ڕێکەوتی 19ی ڕێبەندان، “رەحمان دەریازی” و “پشتیوان نەبی زەرگەتەن” 30ی بەفرانباری ئه‌مساڵ لە لایەن هێزە ئەمنیەکانی ڕژیم لە پیرانشار دەستبەسەر و بۆ یەکێک لە گرتووخانەکانی ڕژیم لە ورمێ ڕاگوێزرابوون.

زیاتر

رۆژی شه‌ممه‌٩ی ڕه‌شه‌ممه‌، كۆبوونه‌وه‌ی ناره‌زایه‌تی خانه‌نشینكراوانی بانكه‌كان له‌ تاران و له‌ به‌رامبه‌ر سه‌ندووقی خانه‌نشینكراوانی بانكه‌كان به‌رێوه‌ چوو. خانه‌نشینكراوان و حقووق بگیرانی بانكه‌ جوراوجۆره‌كانی ئێران به‌ كۆبوونه‌وه‌ له‌ به‌رامبه‌ر سه‌ندووقی خانه‌نشینكراوان، خوازیاری به‌رێوه‌چوونی ده‌قێقی هاوسانسازی و باش كردنی باروودۆخی ژیانیان بوون و رایانگه‌یاند: یاسای به‌رێوه‌بردنی خه‌ده‌ماتی كیشوه‌ری بۆ خانه‌نشینكراوان به‌ باشی ئیجرا ناوێت و بووه‌ته‌ هۆكارێك بۆ بێبه‌ش بوونی خانه‌نشینكراوان له‌ زۆربه‌ی مه‌زایاكانیان.

زیاتر

رۆژی شه‌ممه‌ ٩ی ڕه‌شه‌ممه‌، كۆمه‌ڵێك له‌ ئه‌ندامانی ته‌عاوه‌نی مه‌سكه‌نی كرێكارانی به‌رقی تاران، له‌ به‌رامبه‌ر دادگوسته‌ری ئۆستانی ئه‌لبۆرز كۆبوونه‌وه‌ی ناره‌زایه‌تییان به‌رێوه‌ برد. به‌ وته‌ی كرێكارانی نارازی به‌شداربوو له‌م كۆبوونه‌وه‌ ناره‌زایه‌تییه‌، ٢٧ ساڵ له‌وه‌ پێش زه‌وییان  له‌ فازی پێیجی شاری هه‌شتگرد كڕیوه‌ به‌ڵام تاكوو ئێستا ته‌عاوه‌نی مه‌سكه‌ن له‌ راده‌ست كردنی زه‌ویه‌كان به‌ كڕیارانی، دووری كردووه‌ و كرێكارانی به‌شداربوو له‌م كۆبوونه‌وه‌ دا خوازیاری پێراگه‌یشتن به‌ خواسته‌كانیان بوون.

زیاتر

به دوای بانگهێشت كردن بۆ كۆبوونه‌وه‌ی ناره‌زایه‌تی خانه‌نشینكراوانی ته‌ئمین ئیجتیماعی سه‌رانسه‌ری ئێران، سه‌ر له‌ به‌یانی رۆژی یه‌كشه‌ممه‌ ١٠ی ڕه‌شه‌ممه‌، ژماره‌یه‌كی به‌رچاو له‌ خانه‌نشینكراوانی شاره‌ جوراوجۆره‌كانی ئێران له‌ ناره‌زایه‌تی به‌ پێرانه‌گه‌یشتن به‌ خواسته‌كانیان خوازیاری بردنه‌سه‌ره‌وه‌ی  و هاوسانسازی حقووقه‌كانیان بوون. به‌ پێی راپۆرته‌كان، خانه‌نشینكراوان، حقووق بگیران و له‌ كاركه‌وتووانی ته‌ئمین ئیجتیماعی له‌ تاران، له‌ به‌رامبه‌ر سازمانی ته‌ئمین ئیجتیماعی و له‌ شاره‌كانی دیكه‌ی ئێران له‌ به‌رامبه‌ر ناوه‌ندی ئه‌م سازمانه‌ ده‌ستیان دایه‌ كۆبوونه‌وه‌ی ناره‌زایه‌تی. شایانی باسه‌ نارازیان به‌ وتنه‌وه‌ی درووشم و له‌ ده‌ست گرتنی پلاكارد ناره‌زایه‌تی خۆیان له‌ ئاست نابه‌رابه‌ری ، گرانی، ئێختلاس و دزی، سه‌ركوت و ده‌ستبه‌سه‌ركرانی خۆسه‌رانه‌ی ڕژیم ده‌ربڕی.

زیاتر

كۆموڵێك له‌ كرێكارانی له‌ كار ده‌ركراوی شیركه‌تی ره‌یلی “ڕه‌جا“، رۆژی شه‌ممه‌ ٩ی ڕه‌شه‌ممه‌، له‌ ناره‌زایه‌تی به‌ په‌رداخت نه‌كرانی بیمه‌ی بێكاری كۆرۆنا له‌ به‌رامبه‌ر سازمانی ته‌ئمین ئیجتیماعی ده‌ستیان دایه‌ كۆبوونه‌وه‌. به‌ پێی راپۆرته‌كان، به‌ دوای تێپه‌ربوونی ٩ مانگ له‌ كار ده‌رگرانی ژمارێك له‌ كرێكارانی شیركه‌تی “ڕه‌جا“، هێشتا كرێكارانی ئه‌م ناوه‌نده‌ نه‌یانتوانیوه‌ بیمه‌ی مۆقه‌ڕه‌ڕی بیكاری رۆژانی كۆرۆنا، وه‌ربگرن و له‌ سه‌ره‌تای هاتنی وه‌رزی به‌هار خوازیاری په‌رداختی خواسته‌كانیان بوون.

زیاتر

به‌ پێی راپۆرته‌كان، دادگای پێداچوونه‌وه‌ له‌ تاران “فه‌رنگیس مه‌زڵووم“، “هوود یازرلوو“، “سدیقه‌ مۆرادی“، “مێهدی خه‌واس سفه‌ت” و “محه‌ممه‌د وه‌لی غۆڵام نژاد” ی به‌ زیندان مه‌حكووم كرد. به‌ پێی ئه‌م حۆكمه‌، “فه‌ره‌نگیس مه‌زڵووم” به‌ تۆمه‌تی ” ئیجماع و ته‌بانی به‌ ئامانجی هاوكاری له‌گه‌ڵ یه‌كێك له‌ حیزبه‌ نه‌یاره‌كانی ڕژیم” به‌ ١٨ مانگ زیندان، “هوود یازرلوو” به‌ تۆمه‌تی” چالاكی ته‌بلیبغی  دژی نیزام” به‌ یه‌ك ساڵ زیندان و ” محه‌ممه‌د وه‌لی غۆڵام نژاد” به‌ دوو مانگ زیندان و “سدیقه‌ مۆرادی“، “مێهدی خه‌واس سفه‌ت” به‌ تۆمه‌تی هاوشێوه‌ به‌ ٣ مانگ زیندان مه‌حكووم كراون. له‌ نێوان ئه‌م هاووڵاتیانه‌ ته‌نیا “هانی یازرلوو” له‌ تۆمه‌ته‌كان به‌ری بووه‌.

زیاتر

كۆمه‌ڵێك له‌ كرێكارانی شاره‌داری به‌نده‌ری ماهشه‌هر رۆژی شه‌ممه‌٩ی ڕه‌شه‌ممه‌، له‌ ناره‌زایه‌تی به‌ به‌رێوه‌ نه‌بردنی گه‌ڵاڵه‌ی ریزبه‌ندی پێشه‌كان، له‌ به‌رامبه‌ر فه‌رمانداری ئه‌م شاره‌ ده‌ستیان دایه‌ كۆبوونه‌وه‌ی ناره‌زایه‌تی. به‌ وته‌ی نوێنه‌ری كرێكارانی نارازی ، گه‌ڵاڵه‌ی ریزبه‌ندی به‌رێوه‌ چووی ده‌وڵه‌ت مافی كرێكارن ناپارێزێت و خوازیاری ئیجرای كاملی ئه‌م گه‌ڵاڵه‌یه‌ بوون. شایانی باسه‌، شاره‌داری به‌نده‌ری ماهشه‌هر به‌جێی سه‌ره‌نج دان به‌ داخوازیه‌كانیان هه‌ڕه‌شه‌ی ده‌ركردنی له‌ كرێكاران كردووه‌.

زیاتر

ژمارێك له‌كرێكارانی په‌یمانكاری پاڵاوگه‌ی تاران رۆژی شه‌ممه‌ ٩ی ڕه‌شه‌ممه‌، له‌ ناره‌زایه‌تی به‌ نابه‌رابه‌ری له‌ په‌رداختی حه‌قده‌ست و مه‌زایاكانیان، ده‌ستیان دایه‌ كۆبوونه‌وه‌ی ناره‌زایه‌تی. به‌ پێی راپۆرته‌كان، كرێكارانی نه‌وتی تاران له‌ ئاست نایه‌كسانی حه‌قده‌ست و پاداشت و مه‌زایای نێوان كرێكارانی ڕه‌سمی و قه‌راردادی ئه‌م شیركه‌ته‌ نارازین و خوازیاری له‌ناوبردنی ئه‌م نابه‌رابه‌رییانه‌ و یه‌كسانسازی حقووقه‌كانیان بوون.

زیاتر