به‌رده‌وامی هه‌وڵه‌كان بۆ به‌ ڕه‌ها كردنی كه‌شتی “ئۆرگرین” له‌ كاناڵی سوئێز

هه‌وڵه‌كان بۆ ئازاد كردنی كه‌شتی “ئۆرگرین” كه‌ له‌ رۆژی سێشه‌ممه‌ی حه‌وته‌ی ڕابردوووه‌ له‌ كاناڵی سۆئێز گیری خواردبوو، هه‌روا به‌رده‌وامه‌ و ٢٠٠ كه‌شتی به‌ هۆی ئه‌م رووداوه‌وه‌ له‌ دووسه‌ری ئه‌م كاناڵه‌ په‌كیان كه‌وتووه‌ و ناتوانن له‌م هێڵه‌ ئاویه‌ تێپه‌رن. به‌ پێی راپۆرته‌كان، ئه‌م كه‌شتییه‌ به‌ هۆی له‌ خواره‌وه‌ بوونی ئاستی ئاوی كاناڵی سۆئێز و هاتنی بای تۆند له‌ كه‌ناری ئه‌م كاناڵه‌ گیری خواردووه‌. شایانی باسه‌ به‌ هۆی ئه‌م رووداوه‌ تیجاره‌تی جیهانی له‌كاتی پاندمی كۆرۆنا تووشی شۆك بووه‌ و زه‌ره‌ر و زیانێكی زۆری گه‌یاندووه‌ته‌ شیركه‌ت و كارخانه‌ به‌رهه‌م هێنه‌ره‌كان.

زیاتر

تێپه‌ڕاندنی سه‌د هه‌زار تووش بووی كۆرۆنا له‌ رۆژێكدا له‌ برزیل

وه‌زاره‌تی بێهداشتی برزیل ڕایگه‌یاند: رۆژی پێنج شه‌ممه‌ ٥ی خاكه‌ڵێوه‌، سه‌د هه‌زار و ١٥٨ كه‌س به‌ ویرووسی نوێ كۆرۆنا له‌م وڵاته‌ تووشبوون كه‌ رێكۆردێكی شكاندووه‌ و به‌ دوای ئامریكا ریزی دووهه‌می به‌ ده‌ست هێناوه‌. به‌ پێی ڕاپۆرته‌كان، له‌ سه‌ره‌تای ده‌ست پێكی ویرووسی كۆرۆنا له‌م وڵاته‌ ١٢ ملیۆن و ٣٠٠ هه‌زار كه‌س تووشی ئه‌م نه‌خۆشیه‌ بوون و وێژه‌ی تووشبوانی رۆژانه‌ له‌م وڵاته‌ سه‌د هه‌زار كه‌سی له‌ رۆژێكدا تێپه‌ڕاندووه‌. شه‌مه‌ له‌ كاتێكدایه‌ كه‌ له‌ ماوه‌ی ٢٤ كاتژمێری ڕابردوودا ٢ هه‌زار و ٧٧٧ كه‌س له‌م وڵاته‌ به‌ هۆی ئه‌م نه‌خۆشیه‌وه‌ گیانیان له‌ده‌ست داوه‌ و به‌ شێوه‌یه‌ ڕێژه‌ی قۆربانیانی ئه‌م ویرووسه‌ له‌ برازیل گه‌یشتووه‌ته‌ ٣٠٠ هه‌زار و ٤٦٢ كه‌س.

زیاتر

هێرشی دووباره‌ی حووسیه‌كان بۆ سه‌ر‌ چه‌ند ناوچه‌ی‌ عه‌ره‌بستان

رۆژی هه‌ینی ٦ی خاكه‌ڵێوه‌، هێزه‌ نیزامییه‌كانی حووسی ڕایانگه‌یاند چه‌ند هێرشیان كردووته‌ سه‌ر بنكه‌ سه‌ربازی و سایته‌ نه‌وتیه‌كانی عه‌ره‌بستانی سعوودی. به‌ وته‌ی گوته‌بێژی نیزامی حووسیه‌كان، ئه‌م هێرشانه‌ به‌ ١٨ په‌هباد و هه‌شت موشه‌كی بالستیك به‌ ئامانجی بنكه‌ی نیزامی “مه‌له‌ك عه‌بدولعه‌زیز” له‌ ناوچه‌ی “ده‌مام” و بنكه‌ نیزامییه‌كانی “نه‌جران” و “عه‌سیر“، “راسو لته‌نووره‌“، “رابیگ” و “یه‌نبووگ” و “جیزان” روویداوه‌ و به‌رپرسانی نیزامی و ده‌وڵه‌تی عه‌ره‌بستانیش هێرشی سه‌ر سایته‌ نه‌وتییه‌كانی ئارامكۆ و جێزانیان و بنكه‌ نیزامییه‌كانیان پشت راست كردووه‌ته‌وه‌.

زیاتر

گیان له‌ ده‌ست دانی ٣٢كه‌س به‌ هۆی پێكدادانی دوو شه‌مه‌نده‌فه‌ڕ له‌ میسر

رۆژی هەینی ٦ی خاكه‌ڵێوه‌، به‌ هۆی پێكدادانی دوو شەمەندەفەر لە باشووری میسر، لانیكه‌م 32 کەس گیانیان لەدەستداوە و 66 کەسیش برینداربوون.   به‌ پێی ڕاگه‌یاندنه‌كانی وەزارەتی تەندروستیی میسر، دەیان ئەمبوڵانس گەیشتوونەتە شوێنی رووداوەکە لە هەرێمی “سۆهاج” کە 460 کیلۆمەتر لە قاهیرەی پایتەختی وڵاتەکەوە دوورە. بەپێی ئەو دیمەنانەی بڵاوکراونەتەوە، نزیکەی 10 بەشی شەمەندەفەرەکان هەڵگەڕاونەتەوە و زیانیان بەرکەوتووە. شایانی باسه‌، میسر یەکێکە لە وڵاتانەی بەهۆی خراپیی ژێرخانی کەرتی گواستنەوەی هێڵی ئاسنین و نۆژەن نەکردنەوەی، رووبەڕووی رەخنەی زۆر بووەتەوە کە خراپیی ئەو کەرتە بووەتە هۆی رووداوگه‌ڵێك کە بە دەیان کەس تێیدا گیانیان لەدەستداوە. 

زیاتر

گردبوونەوەی کرێکارانی سیرکەکان لە ئیتالیا

ڕۆژی هەینی 6ی خاکەلێوەی 1400ی هەتاوی، کۆمەڵێک لە کرێکارانی سیرکەکانی ئیتالیا لە ناڕەزایەتی بە کەمتەرخەمی و بایەخ نەدانی دەوڵەتی ئیتالیا سەبارەت بە کرێکارانی ئەو بەشە گردبوونەوەیان ئەنجام دا. کرێکارانی ناڕازی دەڵێن: کارەکانیان  بۆ ساڵێک دەچێ بە بۆنەی قەیرانی کۆڕۆناوە توشی وەستان هاتووە، بەڵام لەم بەینەدا دەوڵەت هیچ جۆرە یارمەتییەکی نەداون. کرێکارانی ناڕازای خوازیاری پێدرانی یارمەتییە دەوڵەتییەکان بەو کرێکارانە بوون کە لە دەورانی کۆڕۆنا دا ناچار بوون له‌ ماڵه‌وه‌ بمیننه‌وه‌.

زیاتر

خۆپیشاندانی خوێندكارانی زانكۆی بۆغازچی ئیستانبوول له‌ به‌رامبه‌ر دادگای چاغڵایان

رۆژی هه‌ینی ٦ی خاكه‌ڵێوه‌، خوێندکارانی زانکۆی بۆغازئیچی ئیستەنبووڵ لە بەردەم دادگای “چاغڵایان” لەم شارە گردبوونەوە بۆ دەربڕینی ناڕەزایی لەبارەی هاوڕێ‌ خوێندکارە‌كانیان  کە لە ئەنجامی خۆپێشاندانەکان لە بەردەم زانکۆ دەستبەسەر کرابوون.   به‌ پێی ڕاپۆرته‌كان،  هێزە ئەمنییەکان بۆ بڵاوەپێکردنی خوێندكاران هه‌ڕه‌شه‌یان لێ‌ كردن، بەڵام خوێندكاره‌كان بەکۆمەڵ لە بەردەم دادگا دانیشتن و رێگەی سەرەکیی دادگەکەیان داخست.هێزە ئەمنییەکان، دەستیان بە بڵاوەپێکردنی زۆرەملێی خوێندکارەکان کرد و لە ئەنجامدا 50 خوێندکار ده‌ستبه‌سه‌ر و رەوانەی بەڕێوەبەرایەتیی پۆلیس کران.  جێی ئاماژه‌یه‌، جگە لە دەستبەسەرکردنی 50 خوێندکارەکەی ئەمڕۆ، 61 خوێندکاری دیکەی زانکۆ دەستبەسەرن و 11 کەسیان سزای بەندکردنیان بەسەردا سەپێندراوە. 

زیاتر

ئیمزای به‌ڵگه‌ی ڕێكه‌وتننامه‌ی ٢٥ ساڵه‌ی ئێران و چین

رۆژی شه‌ممه‌ ٧ی خاكه‌ڵێوه‌، “وانگ ئیی” وه‌زیری ده‌ره‌وه‌ی چین گه‌یشته‌ تاران بۆ ئیمزای رێكه‌وتننامه‌ی ٢٥ ساڵه‌ی ئێران و چین. به‌ پێی راپۆرته‌كان، ئه‌م هه‌واڵه‌ له‌ لایه‌ن “سه‌عید خه‌تیب زاده‌” وته‌بێژی وه‌زاره‌تی ده‌ره‌وه‌ی ئێران ڕاگه‌یه‌ندراوه‌ و به‌ وته‌ی ناوبراو ئه‌م ڕێكه‌وتننامه‌ له‌ په‌نجاهه‌مین سالیادی په‌یوه‌ندییه‌ ستراتژیه‌كانی ئێران و چین ئیمزا ده‌كرێت. شایانی باسه‌، ئه‌م رێكه‌وتننامه‌ له‌ ماوه‌ی چه‌ند مانگی ڕابردوودا چه‌ندین جار له‌ به‌ینی موقاماتی ئه‌م دوو وڵاته‌ ده‌ست به‌ ده‌ست كراوه‌ و ده‌نگدانه‌وه‌یه‌كی زۆری له‌ ناو به‌رپرسان و لایه‌نه‌ جیاجیاكانی ڕژیم و ئۆپۆزسیونی لێكه‌وتبووه‌.

زیاتر

ناڕەزایەتی بە چوونە سەروه‌ێی “توونددووتیژی دژبە ژنان” لە ئارژانتین

ڕۆژی هەینی 6ی خاکەلێوەی 1400ی هەتاوی، کۆمەڵێک لە ژنانی ئارژانتین لە ناڕەزایەتی بە چوونەی سەرێی تووندووتیژییەکانی دژبە ژنان و بایەخ نەدانی دەوڵەت بەو کێشەیە گردبوونەوەیان ئەنجام دا. ژنانی ناڕازای بە دانی شوعار و بە بەدەستەوە گرتنی وێنەی ژنانی قوربانی داواکاری کۆتایی ‌هێنان بە تووندووتیژی دژبە ژنان بوون. هەروەها ژنانی ناڕازی بۆ چەند خۆله‌كێك لە کاردانەوە بە بایەخ نەدان و پێڕانەگەیشتنی دەوڵەت بە خواستەکانیان ژنان لە خیابان ڕاکشان.

زیاتر

گیان له‌ ده‌ست دانی سێ هاووڵاتی خه‌ڵكی ئیلام به‌ هۆی گاز گرتوویی

رۆژی هه‌ینی ٦ی خاكه‌ڵێوه‌، سێ كه‌س له‌ یه‌ك بنه‌ماڵه‌ له‌ ناوچه‌ی “ئه‌ناره‌ك“ی سه‌ر به‌ شارستانی “چوار“ی ئیلام، به‌ هۆی گازگۆتوویی گیانیان له‌ ده‌ست دا. به‌ پێی ڕاپۆرته‌كان، ئه‌م بنه‌ماڵه‌یه‌ له‌ ساردی كه‌ش و هه‌وای شه‌ودا له‌ ژێر ڕه‌شماڵ به‌ هۆی به‌كار هێنانی كه‌ره‌سته‌ی گازی ناستاندارد و نه‌بوونی ئیمكاناتی ئیمه‌نی گیانیان له‌ ده‌ست داوه‌.

زیاتر

ده‌ستبه‌سه‌ر كردنی هاووڵاتییه‌ك له‌ شاری ورمێ

رۆژی پێنج شەممە 5ی خاکەلێوە، هاووڵاتییه‌ك بە ناسناوی ” ئایدین موراد خانی” خەڵکی ورمێ و ئەندامی رێکخراوەی لێکۆڵەرانی ئێران، لەلایەن ھێزە ئەمنییەکانی کۆماری ئیسلامیه‌وه‌ لە ماڵەکەی خۆی دەستبەسەر و بۆ شوێنێکی نادیار ڕاگوێزرا. بە پێی راپۆرتەکان، ھێزە ئەمنییەکان لە کاتی دەستبەسەر کردنی ناوبراو كه‌ره‌سته‌ تایبەته‌كانی وەک، کەیسی کۆمپیتەر، مۆبایل و مەدالیاکانی پەیوەست بە کێبڕکێی زانستی ناوبراویان لەگەڵ خۆیان بردووە. جێی ئاماژه‌یه‌، تا کاتی داڕشتنی ئەم ھەواڵە لە ھۆکاری دەستبەسەر کردنی ناوبراو و شوێنی ڕاگرتنی ناوبراو هیچ زانیارییەک لەبەردەستا نییە.

زیاتر