گیان له‌ ده‌ست دانی ٧ هاووڵاتی له‌ كه‌مپی پاك بوونه‌وه‌ی ماده‌هۆشبه‌ره‌كان له‌ كرماشان

به‌ پێی هه‌واڵی گه‌یشتوو، له‌ ماوه‌ی دوو حه‌وته‌ی ڕابردوودا به‌ هۆی دابین نه‌كردنی ئیمكاناتی ده‌رمانی و بێهداشتی له‌ لایه‌ن به‌ڕێوبه‌رانی كه‌مپی پاك بوونه‌وه‌ی ماده‌ هۆشبه‌ره‌كانی سه‌ر به‌ هێزی ئینتزامی ڕژیم به‌ ناوی(سه‌راب نیلۆفه‌ر)، ٧ هاووڵاتی به‌ هۆی بڵاوبۆنه‌وه‌ی كۆرۆنا له‌ نێو ئه‌م كه‌مپه‌ گیانیان له‌ ده‌ست دا. به‌ پێی ڕاپۆۆرته‌كان، ئه‌م كه‌مپه‌ له‌ لایه‌ن هێزه‌ ئینتزامییه‌كانی ڕژیمه‌وه‌ به‌ڕێوه‌ ده‌چێت و كه‌مترین نرخ و بایه‌خ به‌ تووشبوانی ماده‌ هۆشبه‌ره‌كان ناده‌ن. ئه‌م كه‌مپه‌ كه‌مترین ئیمكاناتی بێهداشتی و مانه‌وه‌ی بۆ ژیان هه‌یه‌ و له‌ ئه‌سڵدا گرتووخانه‌یه‌كه‌ بۆ ڕاگرتنی تووشبۆانی ماده‌هۆشبه‌ره‌كان و “كارتۆن خه‌وه‌كان” به‌ شێوه‌یه‌كی نا ئینسانی.

زیاتر

چوونه‌سه‌ره‌وه‌ی ڕێژه‌ی قۆربانیانی خۆپیشاندانه‌كانی كۆلۆمبیا

ڕێژه‌ی كۆژراوانی ناڕه‌زایه‌تییه‌كانی كۆلۆمبیا كه‌ بۆ دژایه‌تی له‌گه‌ڵ سیاسه‌ته‌ ئابوورییه‌كانی ده‌وڵه‌ت له‌ چه‌ند ڕۆژی ڕابردوودا ده‌ستی پێكردووه‌ به‌رده‌وام ڕوو له‌ زیادبوونه‌ و به‌ پێی ڕاپۆرتی چالاكانی مافی مرۆڤی ئه‌م وڵاته‌، لانیكه‌م ١٩ كه‌س گیانیان له‌ ده‌ست داوه‌ و به‌ سه‌دان كه‌سیش بریندار بوون. به‌ پێی ڕاپۆرته‌كان، ناڕه‌زایه‌تییه‌كانی خه‌ڵك له‌ كۆلۆمبیا له‌ ئاست هه‌ژاری و بێكاری و بایه‌خ نه‌دانی ده‌وڵه‌ت به‌ باروودۆخی ژیانی خه‌ڵك كه‌ له‌گه‌ڵ هاتنی كۆرۆنا خراپتریش بووه‌، ده‌ستیپ ێكرد. هاوكات له‌گه‌ڵ “بۆگۆتای” پایته‌خت خۆپیشاندانه‌كان له‌ سه‌رانسه‌ری ئه‌م وڵاته‌ له‌ ئاستێكی به‌ریندا هه‌ڵكشا و مه‌قاماتی ده‌وڵه‌ت بڕیاری سه‌ركووتی ناڕازییانیان دا به‌ڵام خۆپیشاندانه‌كان به‌رده‌وام بوو وێرای ده‌ست له‌كار كێشانه‌وه‌ی وه‌زیری دارایی ئه‌و وڵاته‌ هێشتا به‌رده‌وامه‌.

زیاتر

هێرشی خۆێناوی بۆ سه‌ر شیرخۆارگه‌ی منداڵان له‌ برزیل

ڕۆژی سێشه‌ممه‌ ١٤ی گوڵان، به‌ هۆی هێرشی به‌ چه‌قۆی لاوێك بۆ سه‌ر شیرخۆارگه‌یه‌ك له‌ باشووری برزیل، لانیكه‌م پێنج كه‌س  له‌وانه‌ سێ منداڵی كۆرپه‌ گیانیان له‌ ده‌ست دا. به‌ پێی ڕاپۆرته‌كان، هێرشبه‌ره‌كه‌ به‌ دوای كوشتن و برینداركردنی چه‌ند منداڵ و كارمه‌ندانی ئه‌م شیرخۆارگه‌یه‌، ده‌ستی داوه‌ته‌ خۆكوژی به‌ڵام له‌ لایه‌ن پۆلیسه‌وه‌ ده‌ستبه‌سه‌ر ده‌كرێت. جێی ئاماژه‌یه‌ كه‌ ئه‌م هێرشه‌ له‌ شارۆچكه‌ی “سواداداس“ی ویلایه‌تی جنوبی “سانتا كاترینا” ڕوویداوه‌ و هێشتا ناسناو و هۆكاری هێرشبه‌ره‌كه‌ ئاشكرا نه‌كراوه‌.

زیاتر

برینداربوونی كۆڵبه‌رێك له‌ سنووره‌كانی نه‌نۆڕی بانه‌

ڕۆژی چوارشه‌ممه‌ ١٥ی گوڵان، كۆڵبه‌رێكی خه‌ڵكی گوندی نه‌نۆڕی بانه‌ به‌ هۆی ده‌سترێژی گوڵه‌ی هێزه‌كانی ڕژیم له‌ سنووره‌كانی ئه‌م شاره‌، به‌سه‌ختی بریندار بوو. به‌ پێی ڕاپۆرته‌كان، ناسناوی ئه‌م كۆڵبه‌ره‌ “مه‌سعوود محه‌ممه‌دی” و خه‌ڵكی گوندی “نه‌نۆڕ“ی شاری بانه‌یه‌ كه‌ له‌ كاتی كۆڵبه‌ری له‌گه‌ڵ كۆمه‌ڵێكی دیكه‌ له‌ گۆڵبه‌رانی ئه‌م سنووره‌ ده‌كه‌ونه‌ به‌ر ده‌سترێژی گوله‌ی هێزه‌كانی ڕژیم و به‌ هۆیه‌وه‌ ناوبراو به‌سه‌ختی بریندار و ڕاگوێزی ناوه‌نده‌ ده‌رمانییه‌كانی شاری بانه‌ ده‌كرێت.

زیاتر

گیان له‌ ده‌ست دانی كاسبكارێكی‌ بریندار له‌ داڵاهو

ڕۆژی دووشەممە ‌۱۳ی گوڵان، هاووڵاتییەک بە ناوی “سوحبەت سەمەدی‌ نەسەب“، خەڵکی شاری داڵاهۆ، سەر بە پارێزگای کرماشان کە لە ئەنجامی تەقەی هێزەكانی ڕژیم بریندار بوو، بەهۆی قورسیی برینەکانییەوە گیانی لەدەست دا. ئەو هاووڵاتییە ڕۆژی دووشەممە ٦ی گوڵان، بەهۆی تەقەی هێزە نیزامییەکانی ڕژیم بریندار بوو و پاش ئەو ڕووداوە بۆ چارەسەری پزیشکی ڕەوانەی نەخۆشخانەی تاڵقانیی کرماشان کرابوو. جێی ئاماژه‌یه‌ كه‌ هێزه‌كانی ڕژیم بێ هیچ هۆكارێك، ماشینی ئەو هاووڵاتییەیان دابووە بەر دەسڕێژی گولـە.

زیاتر

گیان لەدەست دانی کرێکارێکی خەڵکی مەریوان بەهۆی ڕووداوی کار لە سلێمانی

ڕۆژی دووشممە ۱۳ی گوڵان، کرێکارێک بە ناوی “موختار محەممەدی“، خەڵکی گوندی “سەروماڵ“ی مه‌ریوان به‌ هۆی ڕووداوی كار لە شاری سلێمانیی باشوری کوردستان گیانی له‌ ده‌ست دا. به‌ پێی ڕاپۆرته‌كان، ناوبراو لە کارخانەیەکی بەردشکێن خەریکی کار بووە، كه‌ بەهۆی بەربوونەی بەرد بەسەریدا تووشی ڕووداوی كار ده‌بێت و له‌ ئاكام دا گیانی لەدەست ده‌دات.

زیاتر

کۆبوونەوەی ئەندامانی ئەنجومه‌نی سێنفی فەرهەنگیان و خانەنشینکراوان لە کرماشان

کۆمەڵێک لە ئەندامانی ئەنجومەنی سێنفی فەرهەنگیان و خانەنشیکراوانی کرمانشا، رۆژی سێشەممە 14ی مانگی گوڵان، لە کاردانەوە بە گوشارە ئەمنییەتییەکانی رژیم بۆ سەر چالاکانی فەرهەنگی و موعەلیمان کۆبوونەوە. بەشدرابوانی کۆبوونەوەکە بە وتنەوی درووشم گەلێکی وەکو ” جێگەی موعەلیم زیندان نییە” و ” دەوڵەت خەیانەت دەکا، مەجلیس پەشتیوانی دەکا” خوازیاری ئازادی بێ شەرت و مەرجی ئیسماعیل عەبدی، موعەلیمی بەندکراو و سەرجەم زیندانیانی سیاسی بوون. ئەوان هەروەها خوازیاری ڕاهێنانی گشتی و خوڕایی بۆ هەموو خوێندکاران و نوێژه‌نكردنه‌وه‌ی مەدرەسەکان بوون.

زیاتر

دەسپێکردنەوەی ناڕەزایەتی کرێکارانی بێکار کراوی پێترۆشیمی ئیلام

رۆژی سێشەممە 14ی مانگی گوڵان، کۆمەڵێک لە کرێکارانی بێکار کراوی پێترۆشیمی ئیلام، بۆ پێڕاگەیشتنی داخوازییەکانیان کۆبوونەوە. بە دەیان کرێکاری پێترۆشیمی ئیلام، هەڵکەوتوو لە شاری چوار، لە سەرەتای ساڵی نوێ وە، بە بیانووی پێویست نەبوونی هێزی کار،بێکار کراون. کرێکارانی لە کار دەرکراو لەو کاتەو تا ئێستا چەندین کۆبوونەوەیان پێکهێناوە، بەڵام هیچ کاربەدەستێک وڵامدەرەوەیان نەبووە. کرێکارانی ناڕازی خوازیاری گەرانەوە بۆ سەر کارەکانیان و پێدرانی حەقدەستە نەدراوەکانیانن.

زیاتر

کۆبوونەوەی کرێکارانی “شیرکەتی میلی حەفاری ئێران”

کۆمەڵێک لە کرێکارانی پەێمانکاری “شیرکەتی میلی حەفاری ئێران” رۆژی سێشەممە 14ی مانگی گوڵان، لە ناڕەزایەتی بە بێکارکرانیان لە بەرامبەر ئەم شیرکەتە کۆبوونەوە. بە دەیان کرێکاری پەیمانکاری “شیرکەتی میلی حەفاری ئێران” بە بیانووی تەواو بوونی گرێبەست، بە پێشینەی کاری زیاد لە 5 ساڵ، بێکار کراون. هەڕەشەی دەرکرانی نزیک بە 500 کرێکاری دیکەش لەو شیرکەتە هەیە. کرێکارانی دەرکراو لە ماوەی حەفتەی رابردوو دا سێ جار کۆبوونەوەیان کردووە و ڕایانگەیاندووە تا گەڕانەوە بۆ سەر کارەکانیان درێژە بە مانگرتن و کۆبوونەوەکانیان دەدەن.

زیاتر

ناڕەزایەتی بەشێک لە موعەلیمانی ئوستانی ئیسفەهان

رۆژی سێشەممە 14ی مانگی گوڵان، کومەڵێک لە موعەلیمانی ئوستانی ئیسفەهان لە بەرامبەر ئیدارەی “ئاموزش و پەروەرش” لە ئیسفەهان کۆبوونەوە. ئه‌و كۆمه‌ڵه‌ مۆعه‌لیمه‌ کە بە : “موعەلیمانی خەرید خەدەمات” ناوزەد کراون، لە ناڕەزایەتی بە نادیار بوونی باروودۆخی دامەزرانیان و دواخرانی حەقدەستەکانیان لە بەرامبەر ئیدارەی “ئاموزش و پەروەرش” لە ئیسفەهان کۆبوونەوە. زیاد لە 13 هەزار موعەلیم لە سەرتاسەری ئێران، بەم شیوازە ناعادڵانەیە کە پڕە لە دڵە ڕاوکێ خەریکی خزمەتگوزارین. موعەلیمانی “خەرید خەدەمات” تا ئێستا چەندین کۆبوونەوەیان لە گۆشە و کەناری ئێران پێکهێناوە، بەڵام کاربەدەستان وڵامدەرەوە نەبوون.

زیاتر