بەردەوامی خۆپێشاندانی دژە دەوڵەتی لە کۆلۆمبیا

رۆژی پێنجشەممە 23ی مانگی گوڵان، بە دەیان هەزار کەس بە پانتایی وڵاتی کۆلۆمبیا رژانە سەر شەقامەکان و خوازیاری دەست لە کار کێشانەوەی سەرۆک کۆماری ئەو وڵاتە بوون. زیاد لە دوو حەفتەیە خۆپێشاندان و مانگرتنی گشتی دژ بە سیاسەتە دژە کرێکارییەکای دەوڵەتی کۆلۆمبیا سەرتاپای ئەو وڵاتەی گرتووەتەوە. هێزە سەرکوتگەرەکانی دەوڵەت و پۆلیسی ئەو وڵاتە تا ئێستا زیاد لە 42 کەسیان کوشتووە  و بە سەدان کەسیشیان بریندار کردووە. ناڕازییان لێبڕاون تا گەیشتن بە داواکارییەکانیان دەست لە خۆپێشاندان و مانگرتن هەڵنەگرن.

زیاتر

چوونه‌سه‌ره‌وه‌ی ژماره‌ی قوربانیانی تێكهه‌ڵچوونه‌كانی نێوان ده‌وڵه‌تی ئیسرائیل و هێزه‌كانی حه‌ماس

به‌ پێی ڕاپۆرتی هه‌واڵنێریی ڕوویتێرز، به‌هۆی توندبوونه‌وه‌ی هێرشه‌ مووشه‌كییه‌كانی حه‌ماس و ده‌وڵه‌تی ئیسرائیل، پتر له‌ ١٠٠ كه‌س له‌ كه‌رتی غه‌زه‌ گیانیان له‌ده‌ست داوه‌. به‌ پێی ئه‌م ڕاپۆرته‌، هێزه‌كانی حه‌ماس ڕایانگه‌یاندووه‌ كه‌ ڕۆژی پێنجشه‌ممه‌ به‌ مووشه‌كێك به‌ بۆردی ٢٥٠ كیلۆمیتره‌وه‌ فڕۆكه‌خانه‌ی نێونه‌ته‌وه‌یی “رامون” له‌ باكووری ئیسرائیلیان كردووه‌ته‌ ئامانج و ده‌ورووبه‌ری ئه‌م فڕۆكه‌خانه‌یان پێكاوه‌. به‌ وته‌ی كاربه‌ده‌ستانی ناوخۆیی غه‌زه‌، ژماره‌ی كوژراوه‌كان له‌م ناوچه‌یه‌ لانیكه‌م گه‌یشتووه‌ته‌ ١٠٣ كه‌س كه‌ ٢٧ كه‌سیان منداڵ بوون. هه‌روه‌ها پتر له‌ ٩٠٠ كه‌سیش به‌هۆی هێرشه‌كانی ئیسرائیله‌وه‌ بریندار بوون.

زیاتر

بەردەوامی هێرشە خوێناوییەکان لە ئەفغانستان

رۆژی پێنجشەممە 23ی مانگی گوڵان، چەند ساعەت پاش ئاگربەسی نێوان تاڵیبان و دەوڵەتی ئەفغانستان بە هۆی تەقاندنەوە چوار بۆمب لە شوێنە جیاوازەکانی ئەفغانستان، زیاد لە یازدە کەس کوژران و 13ی دیکەش بریندار بوون. هێرشەکانی گرووپی ئیسلامی تالیبان بۆ سەر ناوچە جیاجیاکانی ئەفغانستان لە چەند مانگی رابردوو دا پرەی سەندووە و رۆژانە خەلکی سێڤیل دەبنە قوربانی شەڕی نێوان ئەم گرووپە ئیسلامیە و دەوڵەتی دەسەڵات داری ئەم وڵاتە. لە دواین هێرشەکان دا کە چەند ساعەت پاش ئاگر بەسی “جێژنی رەمەزان” روویان داوە، بە دەیان کەس گیانیان لە دەست داوە و یان بریندار بوون.

زیاتر

هەڵوەشانەوەی سزای ئێعدام لە “سیەرالێئۆن”

رۆژی چوارشەممە 22ی مانگی گوڵان،  دەوڵەتی سیەرالێئۆن” بڕیاری خۆی بۆ وەلانانی سزای ئێعدام بە ئاگاداری “شورای مافی مرۆڤی رێکخراوی نەتەوە یەکگرتووەکان” گەیاند. یاسای بنەڕەتی وڵاتی “سیەرالێئۆن” لە ساڵی 1991ی زاینی دا، بۆ تاوانەکانی وەک: قەتل، خیانەت و سەرهەڵدان لە دەژی دەوڵەت، سزای ئێعدامی دیاری کردبوو. ئەم بڕیارەی دەوڵەت بۆ وەلا نانی سزای ئێعدام، هەنگاوێکە بۆ سڕینەوەی یەکجارەکی ئەم سزایە لەو وڵاتە.

زیاتر

برینداربوونی كۆڵبه‌رێك له‌ سنووری چاڵدوران

ڕۆژی چوارشه‌ممه‌ ٢٢ی گوڵان، هێزه‌كانی ڕژیمی توركییه‌ له‌ ناوچه‌ سنوورییه‌كانی گوندی “وه‌كیل“ی سه‌ر به‌ شاری چاڵدوران، ته‌قه‌یان له‌ كۆمه‌ڵێك له‌ كۆڵبه‌ران كرد كه‌ به‌ هۆیه‌وه‌ كۆڵبه‌ریك به‌ سه‌ختی بریندار بوو. به‌ پێی ڕاپۆرته‌كان، ناسناوی ئه‌م كۆڵبه‌ره‌ “حه‌سه‌ن عه‌له‌م هولی” و خه‌ڵكی چاڵدوران ڕاگه‌یه‌ندراوه‌. جێی ئاماژه‌یه‌ كه‌ ناوبراو به‌ هۆی سه‌ختی برینه‌كه‌ی گوازراوه‌ته‌وه‌ بۆ نه‌خۆ شخانه‌ی شاری ماكوو.

زیاتر

ئازاد كرانی به‌ندكراوێكی سیاسی به‌ شێوه‌ی كاتی

ڕۆژی سێشەممە 21ی گوڵان، “عەلی ئازەربەرزین“، زیندانی سیاسی خەڵکی شاری پیرانشار بە پێوەنی ئێلەکتەریکییەوە لە زیندانی حکوومەتی ئێران لە نەغەدە ئازاد کرا. به‌ پێی ڕاپۆرته‌كان، ناوبراو له‌ ڕەزبەری ٩٧ی هه‌تاوی لە لایەن دادگای ڕژیم لە پیرانشار بە تۆمەتی “هاوکاری له‌گه‌ڵ له‌ حیزبه‌ نه‌یاره‌كانی ڕژیم” بە 5 ساڵ زیندانی تەعزیری مەحکووم و ئەو حوکمە لە دادگای پێداچوونەوە وەکوو خۆی پەسەند کرابوو.

زیاتر

كۆبوونه‌وه‌ی كرێكارانی شیركه‌تی كشت و كاڵی میرزا كوچه‌ك خان

كۆمه‌ڵێك له‌ كرێكارانی شیركه‌تی كشتووكاڵی میرزا كوچه‌ك خان له‌ شاری خۆڕه‌مشار له‌ پارێزگای خووزستان، ڕۆژی پێنج شه‌ممه‌ ٢٣ی گوڵان، به‌ ناڕه‌زایه‌تی به‌ به‌دینه‌هاتنی خواسته‌كانیان ده‌ستیان دایه‌ كۆبوونه‌وه‌ی ناڕه‌زایه‌تی و خوازیاری دامه‌زراندنی ڕێكخراوی سه‌ربه‌خۆی كرێكاری بوون. كرێكاران له‌سه‌ر ئه‌م باوه‌ڕه‌ن كه‌هه‌بوونی ڕێكخراوی سه‌ربه‌خۆی كرێكاری یارمه‌تیده‌ره‌ بۆ گه‌یشتن به‌ داخوازییه‌كانیان و هه‌روه‌ها پێش ده‌گرێت به‌ كه‌م كردنه‌وه‌ی ڕێژه‌ی كرێكاران و بێكاركردنیان له‌ لایه‌ن خاوه‌نكاره‌وه‌. به‌ وته‌ی كرێكارانی ئه‌م ناوه‌نده‌ هه‌بوونی ڕێكخراوی سه‌ربه‌خوو ئه‌منییه‌تی كاریان پێده‌دات و ده‌توانن له‌ ڕێگه‌ی ئه‌م ڕێكخراوانه‌وه‌ له‌ به‌رانبه‌ر هه‌ر چه‌شنه‌ زوڵم و زۆرێك بوه‌ستنه‌وه‌.

زیاتر

كۆبوونه‌وه‌ی كرێكارانی په‌یمانیی مێترۆی شیراز

كرێكارانی په‌یمانیی مێترۆی شیراز، ڕۆژی پێنجشه‌ممه‌ ٢٣ی مانگی گوڵان بۆ سێهه‌مین ڕۆژ له‌ ناڕه‌زایه‌تی به‌ نه‌درانی ٣ مانگ‌ حه‌قده‌سته‌كانیان و هه‌ڵاواردن، له‌ به‌رامبه‌ر بینای قه‌تاری شاریی شیراز ده‌ستیان دایه‌ كۆبوونه‌وه‌. كرێكارانی ناڕازی وێڕای ئاماژه‌ به‌وه‌یكه‌ ١٥٠ كرێكاری ئه‌م مێترۆیه له‌ سێ مانگ له‌مه‌وبه‌ره‌وه‌ هیچ جۆره‌ حه‌قده‌ستێكیان پێنه‌دراوه‌، له‌مباره‌وه‌ ڕایانگه‌یاندووه‌ كه‌ ئه‌م كرێكارانه‌ به‌شێوه‌ی په‌یمانكاریی حه‌جمی خه‌ریكی كارن و هه‌موو ساڵێ په‌یمانكاره‌كه‌یان ده‌گۆڕدرێ و ئه‌وه‌ش كرێكارانی له‌گه‌ڵ كێشه‌ و گرفتی جیدی به‌ره‌وڕوو كردووه‌ته‌وه‌.

زیاتر

به‌رده‌وامی ناڕه‌زایه‌تییه‌كانی كرێكارانی شاره‌داری سه‌راوان

ناڕه‌زایه‌تییه‌كانی كرێكارانی شاره‌داری سه‌راوان له‌ ئاست په‌رداخت نه‌كرانی حقووقه‌كانیان له‌ به‌رانبه‌ر شه‌ورای شاری ئه‌م شاره‌، ڕۆژی پێنج شه‌ممه‌ بۆ چه‌نده‌مین ڕۆژی به‌رده‌وام دڕێژه‌ی هه‌بوو. به‌ پێی ڕاپۆرته‌كان، به‌رپرسانی شاره‌داری سه‌راوان له‌ سه‌ره‌تای ساڵی ٩٩ی هه‌تاویه‌وه‌ حقووقی كرێكارانی ئه‌م ناوه‌نده‌یان په‌رداخت نه‌كردووه‌ و كرێكاران ئاماژه‌یان كرد كه‌ وێڕای چه‌ندین جار كۆبوونه‌وه‌ به‌ڵام به‌ڕێوبه‌رانی ده‌وڵه‌تی هیچ سه‌ره‌نجێكیان به‌ داخوازییه‌كانیان نه‌داوه‌. له‌ به‌شێكی دیكه‌ی وته‌كانیاندا كرێكاران ڕایانگه‌یاند كه‌ په‌رداخت نه‌كردنی حه‌قی بیمه‌كانیان كێشه‌ و گرفتێكی زۆری بۆیان درووست كردووه‌ و له‌ زۆربه‌ی خزمه‌تگوزارییه‌ ده‌رمانییه‌كان بێبه‌ش كراون.

زیاتر

گیان له‌ده‌ستدانی سێ كرێكار به‌هۆی نه‌بوونی ئیمه‌نیی شوێنی كار

ڕۆژی پێنجشه‌ممه‌ ٢٣ی مانگی گوڵان، به‌هۆی نه‌بوونی ئیمه‌نی شوێنی كار، ٣ كرێكار له‌ شاره‌كانی تاران، خوره‌م ئاباد و ساری، گیانیان له‌ده‌ست دا. به‌ پێی ڕاپۆرته‌ بڵاوكراوه‌كان، كرێكارێكی لاو له‌ كاتی نۆژنكردنه‌وه‌ی كوولێری ئاوی كارگایه‌كی سه‌نعه‌تی له‌ مه‌سیری خاوه‌ران تاران به‌هۆی ته‌زووی كاره‌باوه‌ گیانی له‌ده‌ست دا. له‌ ڕووداوێكی دیكه‌دا له‌ خوڕه‌م ئاباد كرێكارێكی بیناسازی له‌ ته‌به‌قه‌ی پێنجه‌می واحیدێكی مه‌سكوونی نیوه‌كاره‌وه‌ كه‌وته‌ خوارێ و به‌هۆی سه‌ختیی برینه‌كه‌ی گیانی له‌ده‌ست دا. هه‌روه‌ها له‌ ڕووداوێكی دیكه‌دا له‌ “كیاسه‌ر“ی شارستانی ساری، به‌هۆی وه‌رگه‌ڕانی تراكتۆر، كرێكارێك ده‌ستبه‌جێ گیانی له‌ده‌ست دا.

زیاتر