توندوتیژی پۆلیس و ده‌ستبه‌سه‌ر كردنی به‌رینی ناڕازیان له‌ میانمار

ڕۆژی شه‌ممه‌ ٩ی مانگی ڕه‌شه‌ممه‌، له‌ ئاكامی هێرشی هێزه‌كانی پۆلیس بۆسه‌ر خۆپیشانده‌ران له‌ میانمار، خۆپیشانده‌رێك بریندار بوو و سه‌دان كه‌سی دیكه‌ش ده‌ستبه‌سه‌ر كران. به‌ پێی ڕاپۆرتی هه‌واڵنێریی ڕوویتێرز، تێكهه‌ڵچوون له‌ نێوان خه‌ڵك و هێزه‌كانی پۆلیس كاتێك ڕوویدا كه‌ هێزه‌كانی پۆلیس ته‌قه‌ی هه‌واییان كردووه‌ و گازی فرمێسك ڕێژ و نارنجۆكی سه‌وتییان به‌ره‌و به‌شدار بووان هاویشتووه‌. هه‌روه‌ها ده‌وترێ كه‌ له‌ جه‌ره‌یانی ئه‌م تێكهه‌ڵچوونه‌دا خۆپیشانده‌رێك به‌هۆی ته‌قه‌ی پۆلیسه‌وه‌ بریندار بووه‌ و پتر له‌ ٤٧٠ كه‌سیش له‌ خۆپیشانده‌ران له‌ شاره‌ جۆراوجۆره‌كانی میانمار ده‌ستبه‌سه‌ر كراون.  شایانی باسه‌، ده‌یان هه‌زار كه‌س له‌ خه‌ڵكی ناڕازیی مینانمار له‌ ماوه‌ی چه‌ند حه‌فته‌ی ڕابردوودا به‌ هاتنه‌ سه‌ر شه‌قامه‌كان، خوازیاری هاتنه‌وه‌ سه‌ركاری ده‌وڵه‌تی هه‌ڵبژێردراو بوون و ژماره‌یه‌كیش له‌ ناڕازیان له‌ جه‌ره‌یانی تێكهه‌ڵچوونه‌كاندا له‌ لایه‌ن هێزه‌ ئه‌منییه‌كانه‌وه‌ كوژراون.

زیاتر

به‌ڕێوه‌چوونی خۆپیشناندانی ناڕه‌زایه‌تی له‌ به‌نگلادێش

ڕۆژی شه‌ممه‌ ٩ی مانگی ڕه‌شه‌ممه‌، بۆ دووهه‌مین ڕۆژی به‌رده‌وام ژماره‌یه‌كی به‌رین له‌ خه‌ڵكی به‌نگلادێش له‌ ناڕه‌زایه‌تی به‌ مه‌رگی نووسه‌رێك له‌ زیندان، هاتنه‌ سه‌ر شه‌قامه‌كان و ده‌ستیان دایه‌ خۆپیشاندان. به‌ پێی ڕاپۆرته‌كان، ناڕازیان به‌ وتنه‌وه‌ی درووشمی ناڕه‌زایه‌تی خوازیاری هه‌ڵوه‌شاندنه‌وه‌ی یاسای ئه‌منییه‌تی دیجیتالی بوون كه‌ نووسه‌ره‌ قوربانییه‌كه‌ی پێ به‌ زیندان مه‌حكووم كرابوو. شایانی باسه‌،ئه‌م نووسه‌ره‌ كه‌ ناوی “مۆشتاق ئه‌حمه‌د” بووه‌، به‌هۆی ڕه‌خنه‌ گرتنی له‌ شێوازی كۆنتڕۆڵی كۆرۆنا، ده‌ستبه‌سه‌ر و به‌ “ده‌نگۆنانه‌وه‌” و “چالاكیی دژه‌ده‌وڵه‌تی” تۆمه‌تبار كرابوو.

زیاتر

درێژه‌ی خۆپیشاندانه‌كان له‌ باشووری عێراق

به‌ پێی ڕاپۆرته‌كان، خۆپیشاندانه‌كان له‌ شاری ناسریه‌ی باشووری عێراق كه‌ له‌ ڕۆژی یه‌كشه‌ممه‌ی حه‌فته‌ی ڕابردووه‌وه‌ به‌ خواستی له‌سه‌ركارلاچوونی شاره‌داری ئه‌مشاره‌ ده‌ستی پێكرد، هه‌روا درێژی هه‌یه‌. خۆپیشانده‌ران سه‌ره‌ڕای له‌سه‌ركارلاچوونی شاره‌دار له‌ پۆسته‌كه‌ی، درێژه‌یان به‌ ناڕه‌زایه‌تییه‌كانیان داوه‌ و خوازیاری سزادانی بڕیارده‌ران و به‌كرده‌وه‌ده‌رهێنه‌رانی ته‌قه‌ كردن له‌ خۆپیشانده‌ران و هه‌روه‌ها به‌دواداچوونی كوشتنی ئه‌و هاووڵاتییانه‌ بوون كه‌ له‌ ماوه‌ی یه‌ك ساڵی ڕابردوودا له‌ جه‌ره‌یانی ئه‌م ناڕه‌زایه‌تییانه‌دا كوژراون. شایانی باسه‌، له‌ سه‌ره‌تای ده‌ستپێكی ناڕه‌زایه‌تییه‌كانی ئه‌م دوایانه‌وه‌ تا ئێستا، لانیكه‌م ٧ كه‌س كوژراون و پتر له‌ ٢٠٠ كه‌س بریندار بوون و ژماره‌یه‌كی زۆریش ده‌ستبه‌سه‌ر كراون.

زیاتر

بریندار بوونی كۆڵبه‌رێك له‌ سنووری شاری نه‌وسوود

ڕٶژی شەممە ٩ی ڕەشەممە، هێزەکانی سپای پاسداران لە سنووری نەوسوود تەقەیان لە ژمارەیەک لە کۆڵبەران کرد كه‌ بووه‌ هۆی بریندار بوونی كۆلبه‌رێك. به‌ پێی راپۆرته‌كان، لە ئەنجامی ته‌قه‌ی هێزه‌كانی سپای پاسداران، رۆژی شه‌ممه‌ ٩ی ڕه‌شه‌ممه‌، له‌ سنووره‌كانی شاری نه‌وسوود، کۆڵبەرێکی لاو بە ناوی “محەمەد” خەڵکی گوندی “داریان“ی پاوه‌ بریندار بوو كه‌ بۆ نه‌خۆشخانه‌ گوازرایه‌وه‌.

زیاتر

سه‌پاندنی حۆكمی زیندان به‌سه‌ر هاووڵاتییه‌كی خه‌ڵكی شاری پیرانشار

ڕۆژی شەممە ٩ی ڕەشەممە، “ئەحمەد عەبدوڵڵاپوور“، هاووڵاتیی خەڵکی پیرانشار بە مەبەستی تێپەڕاندنی سزای پێنج مانگ بەندکران کە بەسەریدا سەپابوو، دەستبەسەر و ڕەوانەی بەندیخانەی ناوەندیی شاری نەغەدە کرا. به‌ پێی راپۆرته‌كان، “ئەحمەد عەبدوڵڵاپوور” ڕۆژی دووشەممە ١٩ی سەرماوەزی ١٣٩٨ی هه‌تاوی لەلایەن هێزەکانی ئیدارەی ئیتلاعات دەستبەسەر و پاش ٤٠ ڕۆژ بە دانانی بارمتە و بە شێوەی کاتی ئازاد کرابوو. ناوبراو دواجار ڕۆژی چوارشەممە ١٧ی ڕێبەندانی هه‌مان ساڵ لەلایەن لقی ١٠٢ی دادگای تاوانەکانی پیرانشار بە تۆمەتی “هاوکاری لەگەڵ یه‌كێك له‌ حیزیه‌ نه‌یاره‌كانی ڕژیم” سزای پێنج مانگ بەندکرانی بەسەردا سەپا.

زیاتر

گوژران و بریندار بوونی دوو كه‌س له‌ هێزه‌كانی ئینتیزامی ئێران له‌ “ده‌ڕه‌ شار”ی ئیلام

سەرلە ئێوارەی ڕۆژی شەممە ٩ی ڕەشەممە، چەند چەکدارێکی نەناسراو، دەسڕێژیان لە ژمارەیەک چەکداری هێزی ئینتزامیی پردی “گامێشانی” دەڕەشاری ئیلام  کرد و لە ئاکامی ئەم هێرشەدا ئەندامێکی هێزی ئینتیزامی کوژراوە و یەکێکی دیکەشیان بریندار بووە. بە وتەی سەرچاوەیەکی ئاگادار، لەم هێرشەدا ئەندامێکی هێزی ئینتزامی بە ناوی “مێهدی دەریکوەند” کوژراوە و ئەفسەرێکیش بە ناوی سەروان “سەید ڕوحوڵڵا باسەرە” بە سەختی بریندار بووە و دۆخی تەندروستییەکەی ناجێگیرە.پۆلیسی پارێزگای ئیلام هەواڵەکەی پشتڕاست کردووەتەوە. هێرشبەران کە نەناسراون لە پاش هێرشەکە توانیویانە شوێنەکە بەجێ بێڵن.

زیاتر

ڕاگوێزرانی دوو هاووڵاتی بۆ به‌ندیخانه‌ی شنۆ

له‌ ماوه‌ی رۆژانی رابردوودا، دوو هاووڵاتی بە ناوه‌كانی “کەماڵ قۆیتاسی“، خەڵکی گوندی “چەشمەگۆل” سەر بە شنۆ، هەروەها هاووڵاتییەکی دیکە بە ناوی “ڕەحمان یووسفی“، خەڵکی گوندی “سەوجە“،  پاش کۆتایی لێپرسینەوە لە یەکێک لە گرتووخانه‌ ئەمنییەکانی ورمێ، بۆ زیندانی شنۆ ڕاگوێزران. به‌ پێی راپۆرته‌كان، ئەو دوو هاووڵاتییە، ڕۆژی دووشەممە ۲٤ی سەرماوەز، بەبێ بەڵگەی یاسایی لەلایەن هێزە ئەمنییەکانەوە دەسبەسەر و دواتر بۆ لێپرسینەوە ڕەوانەی یەکێک لە زیندانه‌ ئەمنییەکان لە ورمێ کرابوون. شایانی باسه‌، هێزە ئەمنییه‌کان ئەو دوو هاووڵاتییەیان بە تۆمه‌تی “هاوکاری لەگەڵ یەکێک لە حیزبە نه‌یاره‌كانی ڕژیم“، تۆمەتبار کردووه.

زیاتر

ئازادی سێ هاووڵاتی به‌ دانانی وه‌سێقه‌ له‌ زیندانی ورمێ

بەپێی راپۆرته‌كان، لە چەند رۆژی ڕابردوودا سێ هاوڵاتی خەڵکی پیرانشار بە ناوەکانی “تەنها ئاتەش ئەفراز“، “رەحمان دەریازی” و “پشتیوان نەبی زەرگەتەن” دوایی کۆتایی ھاتنی لێپرسینەوە بەدانانی بارمتە لە یەکێک لە ناوەندە ئەمنیەکانی شاری ورمێ و بە شێوەی کاتی ئازاد کراون. جێی ئاماژه‌یه‌، “تەها ئاتەش ئەفزار” لە ڕێکەوتی 19ی ڕێبەندان، “رەحمان دەریازی” و “پشتیوان نەبی زەرگەتەن” 30ی بەفرانباری ئه‌مساڵ لە لایەن هێزە ئەمنیەکانی ڕژیم لە پیرانشار دەستبەسەر و بۆ یەکێک لە گرتووخانەکانی ڕژیم لە ورمێ ڕاگوێزرابوون.

زیاتر

كۆبوونه‌وه‌ی ناره‌زایه‌تی خانه‌نشینكراوانی بانكه‌كان له‌ تاران

رۆژی شه‌ممه‌٩ی ڕه‌شه‌ممه‌، كۆبوونه‌وه‌ی ناره‌زایه‌تی خانه‌نشینكراوانی بانكه‌كان له‌ تاران و له‌ به‌رامبه‌ر سه‌ندووقی خانه‌نشینكراوانی بانكه‌كان به‌رێوه‌ چوو. خانه‌نشینكراوان و حقووق بگیرانی بانكه‌ جوراوجۆره‌كانی ئێران به‌ كۆبوونه‌وه‌ له‌ به‌رامبه‌ر سه‌ندووقی خانه‌نشینكراوان، خوازیاری به‌رێوه‌چوونی ده‌قێقی هاوسانسازی و باش كردنی باروودۆخی ژیانیان بوون و رایانگه‌یاند: یاسای به‌رێوه‌بردنی خه‌ده‌ماتی كیشوه‌ری بۆ خانه‌نشینكراوان به‌ باشی ئیجرا ناوێت و بووه‌ته‌ هۆكارێك بۆ بێبه‌ش بوونی خانه‌نشینكراوان له‌ زۆربه‌ی مه‌زایاكانیان.

زیاتر

كۆبوونه‌وه‌ی ناره‌زایه‌تی ئه‌ندامانی ته‌عاوه‌نی مه‌سكه‌نی كرێكارانی به‌رقی تاران

رۆژی شه‌ممه‌ ٩ی ڕه‌شه‌ممه‌، كۆمه‌ڵێك له‌ ئه‌ندامانی ته‌عاوه‌نی مه‌سكه‌نی كرێكارانی به‌رقی تاران، له‌ به‌رامبه‌ر دادگوسته‌ری ئۆستانی ئه‌لبۆرز كۆبوونه‌وه‌ی ناره‌زایه‌تییان به‌رێوه‌ برد. به‌ وته‌ی كرێكارانی نارازی به‌شداربوو له‌م كۆبوونه‌وه‌ ناره‌زایه‌تییه‌، ٢٧ ساڵ له‌وه‌ پێش زه‌وییان  له‌ فازی پێیجی شاری هه‌شتگرد كڕیوه‌ به‌ڵام تاكوو ئێستا ته‌عاوه‌نی مه‌سكه‌ن له‌ راده‌ست كردنی زه‌ویه‌كان به‌ كڕیارانی، دووری كردووه‌ و كرێكارانی به‌شداربوو له‌م كۆبوونه‌وه‌ دا خوازیاری پێراگه‌یشتن به‌ خواسته‌كانیان بوون.

زیاتر